Сенбілік - тазалықтың кепілі

      Сенбілікке шығу, мектеп айналасын, кабинетті айнадай таза ұстау – оқушылар мен мектеп қызметкерлері үшін үйреншікті үрдіс.

Бүгінде сол дәстүрлі үрдіс өз жалғасын тауып, оқушылар, ұстаздар мен мектеп жұмысшылары жұмыла сенбілікке шықты.

Арнайы күрек, тырнауыш, қолғаптар мен қоқыс салатын қаптарды қолға алған оқушылар, ұстаздар мен мектеп жұмысшылары

санаулы уақыттың ішінде мектеп ауласын және ауыл маңын, ауылдың көшелерін тазартып, мектеп маңындағы қоршауларды сылап,

ауылымыз келбеті келісті болуы үшін аянбай тер төкті.

Сенбілік - тазалық кепілі. Әрқашан тазалық жұмыстарын жүргізу біздің парызымыз.